Një tjetër vrasje është shënuar sot në qytetin e Bulqizës. Sipas informacioneve mësohet se viktima është shtetasi Qerim Marku, i cili kërkohej nga policia që prej një muaji.

Persona të paidentifikuar i janë afruar viktimës me një makinë tip BMV me ngjyrë të kuqe dhe e kanë qëlluar.

Mësohet se në vendngjarje ka mbetur i plagosur 60-vjeçari Semi Smeli i cili ndodhej rastësisht aty. 60-vjeçari ka marrë dy plumba në trup dhe momentalisht ndodhet në spital ku po merr ndihmën mjekësore.

/Ejup Lila/