Content on this page requires a newer version of Adobe Flash Player.

Beder



Content on this page requires a newer version of Adobe Flash Player.

vrioni

Bode, kreditë e këqija fshihen 1 vit pas nisjes së procedurave të ekzekutimit

Bode, kreditë e këqija fshihen 1 vit pas nisjes së procedurave të ekzekutimit

0 Komentet 🕔06.06.2013 - 16:03

Ministri i Financave, Ridvan Bode, në një udhëzim të miratuar përcakton se bankat do të mund të fshijnë nga bilanci i tyre kreditë e humbura pas 365 ditësh, pasi është paraqitur kërkesa për nisjen e procedurave të ekzekutimit. Ky udhëzim i jep fund ngërҫit të interpretimit ligjor të tatimit mbi të ardhurat, që përballi disa herë bankat me Drejtorinë e Përgjithshme të Tatimeve.

Ndërkaq, në udhëzimin thuhet se: “Në rastin e bankave, degëve të bankave të huaja dhe subjekteve financiare jo banka të licencuara nga Banka e Shqipërisë për ushtrimin e veprimtarisë së kredidhënies, borxhi i keq mund të fshihet nga librat kontabël 365 ditë pas depozitimit të kërkesës për fillimin e procedimit të ekzekutimit të detyrueshëm te përmbaruesi gjyqësor, në rast se kredia është e siguruar me pasuri të luajtshme ose të paluajtshme ose 365 ditë pas lëshimit nga gjykata të urdhrit të ekzekutimit, në rast se kredia nuk është e garantuar me pasuri të luajtshme e të paluajtshme”.

Udhëzimi i ministrisë së financave vjen pikërisht në kohën kur niveli i kredive të këqija është rritur ndjeshëm në mënyrë të vazhdueshme. Tashmë bankat presin zbatimin me korrektësi të udhëzimit nga nënpunësit tatimorë.

/Erilda Sulika/                                      

 

Nuk ka Komente

Për momentin nuk ka komente!

Askush nuk ka lënë koment për këtë postim!

Shkruaj një koment

Adresa juaj e e-mail-it nuk do të publikohet. Plotësimi i fushave të domosdoshme është shënuar me shenjën *

Sondazh

A mendoni se reforma në drejtësi do të japë rezultatet e pritura?

View Results

Loading ... Loading ...

Fjalë e urtë

Ku ka tym,ka edhe zjarr