Biznesi amerikan është me pak optimist për kushtet që ofron sot ekonomia shqiptare krahasuar me një vit më parë. Anketa e dhomës Amerikane të Tregtisë ka dalë në konkluzione që tregojnë përkeqësim të treguesve, nga ku 100 për qind që merrej si referencë në kushtet ideale ka rënë në 40.48 për qind.

Indeksi i vitit 2013 tregon se 56 për qind e bizneseve mendojnë se rënia ekonomike do të vazhdojë edhe këtë vit. Ndërkohë që është rritur perceptimi negativ për fenomene si burokracitë apo korrupsioni.

Dhoma Amerikane e Tregtisë përveç përkeqësimit ka parë përmirësim tek disa aspekte kryesore. Nga anketa del se të anketuarit patën një perceptim pozitiv për faktorët si rendi dhe siguria në vend, infrastruktura, furnizimi me energji dhe prona private.

/Erilda Sulika/