Kryeministri Berisha ka reaguar në lidhje me rezultatin e dalë nga rinumërimi i 10 kutive të votimit në Qarkun e Lezhës. “Ky është një pushtet i ngritur mbi vota të vjedhura” është shprehur Berisha në profilin e tij zyrtar në rrjetin social facebook. Statusi i tij vijon më tej : “Ne 10 kuti 706 vota
Kryeministri Berisha ka reaguar në lidhje me rezultatin e dalë nga rinumërimi i 10 kutive
të votimit në Qarkun e Lezhës. “Ky është një pushtet i ngritur mbi vota të vjedhura” është shprehur Berisha në profilin e tij zyrtar në rrjetin social facebook.
Statusi i tij vijon më tej :
“Ne 10 kuti 706 vota të vjedhura. Ky është pushtet mbi vota të vjedhura! Të dashur miq, nga hapja e 10 kutive të votimit dhe nga verifikimi i tabelave të rezultateve të Qarkut të Lezhës doli se Edi Rama me bosët e drogës dhe krimit kishte vjedhur me falsifikim tabelash dhe mashtrim në numërim
706 vota. Ky është ndryshim! Vjedhje votash me drogë dhe trafiqe!”, shkruan Berisha.
Ditën e enjte, KQZ-ja rinumeroi votat e 10 kutive që i përkasin qytetit të Lezhës, për të cilat Partia Demokratike kërkoi rivlerësimin e rezultateve të tyre. Rinumërimi dëshmoi në sallën e KQZ-së manipulim të rezultatit në këto qendra edhe nga grupet e numërimit.
Nga 39 vota që bënë diferencën e mandatit të fundit të këtij qarku, i cili sipas vendimit të KQZ-së, i shkoi PD, diferenca thellohet në 306 vota në favor të koalicionit të djathtë.
Nga ana tjetër, Partia Socialiste kërkon pavlefshmëri në 6 qendra të votimit në Qarkun e Lezhës, kutitë e materialeve zgjedhore të të cilave gjithashtu u hapen nga KQZ. Konkretisht për kutitë e votimit në Laç, ku në ditën e zgjedhjeve humbi jetën dhe një simpatizant i LSI-së.
Ankimimi i radhës që pritet të shqyrtohet nga KQZ-ja është ai në Qarkun e Shkodrës, ku Partia Republikane pretendon se i janë vjedhur votat nga Partia Demokratike.
/ Elta Liksenaj /
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *