Ndotja me përmasa të mëdha po bëhet shkak për shafaqjen e epidemisë në lagjen “28 Nëntori” në vendin e quajtur Metrese të Beratit. Zona e kësaj lagjeje përshkruhet nga një kanal i cili është mbushur me mbetje të ndryshme. Banorët u shprehën për gazetën “Panorama” se janë ankuar disa herë në bashki për të shmangur
Ndotja me përmasa të mëdha po bëhet shkak për shafaqjen e epidemisë në lagjen “28 Nëntori” në vendin e quajtur Metrese të Beratit.
Zona e kësaj lagjeje përshkruhet nga një kanal i cili është mbushur me mbetje të ndryshme. Banorët u shprehën për gazetën “Panorama” se janë ankuar disa herë në bashki për të shmangur këtë fenomen, por nuk ka pasur asnjë ndërhyrje. Këtë shqetësim ata e kanë ngritur edhe në Drejtorinë e Shëndetit Publik, të cilët kanë qëndruar për disa orë pranë kësaj zone duke parë gjendjen tepër të rënduar.
Inspektorja e Mjedisit, Mirela Bohuri, është shprehur se institucioni është angazhuar disa herë për ta mbajtur të pastër këtë kanal nga mbeturinat e ndryshme që janë një rrezik serioz për jetën e banorëve. Nga ana tjetër ekspertët kanë dhënë edhe mendimin e masave të rrepta ndaj banorëve, me qëllim shmangien e ndotjes që ata krijojnë. “ Ne si bashki do të ndëshkojmë ata banorë që do të hedhin plehra apo mbetje të tjera, do të ndëshkohen jo vetëm financiarisht por edhe në rrugë gjyqësore”, tha specialistja e bashkisë.
Problematika kryesore lidhet me efektin zinxhir që krijon ndotja në këtë zonë, pasi ky kanal shkarkues kalon nëpër lagje dhe derdhet në shtartin e lumit Osum.
/Muzafere Dema/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *