Beograd-Prishtinë pranë marrëveshjes

0

Zyrtarja e Lartë e BE-së për Politikat e Jashtme, Eshton mendon se elementet për një marrëveshje mes dy palëve ekzistojnë dhe KE-ja do ta inkurajojë palën serbe drejt tentativës së fundit për arritjen e marrëveshjes me Kosovën.

Marrëveshja midis Prishtinës dhe Beogradit mund të arrihet këto ditë, të paktën kështu ka lënë të kuptohet Kocijancic.

“Ne besojmë se elementet e marrëveshjes janë mbi tryezë dhe dëshirojmë t’i bëjmë thirrje qeverisë serbe që të bëjë përpjekjen e fundit për të arritur një marrëveshje”, ka thënë ajo para gazetarëve në Bruksel.

Ketrin Eshton duhet t’i shkëpusë një marrëveshje palës serbe para javës së ardhshme ku shpallet raporti i Komisionit Europian, që krijon kushtet për hapjen e negociatave të anëtarësimit të Serbisë në BE.

“Ajo beson, se do të mund të udhëheqë diskutimet që janë planifikuara në ditët që vijnë në Bashkimin Europian. I referohem diskutimeve për raportin e Komisionit Europian që do shpallet më 16 prillit dhe takimin e ministrave të jashtëm të 22 prillit.

Të dyja këto momente janë hapa të domosdoshme për arritjen e një marrëveshjeje në Këshillin e ministrave për Serbinë dhe Kosovën”, ka thënë më tej Kocijancic.

Vendimi i hapjes së negociatave të anëtarësimit me Serbinë në qershor varet nga raporti që Komisioni Europian do të shpallë më 16 prill.

PËRGJIGJU

Please enter your comment!
Please enter your name here