Më shumë se 30 persona janë arrestuar gjatë muajit shkurt për vjedhjen e diamantëve në aeroportin e Brukselit.

Zëdhëndësi i prokurorisë së Brukselit pohoi se disa prej diamantëve janë gjendur në Zvicër, Belgjikë dhe Francë së bashku me shuma të konsiderueshme parash.

24 persona u arrestuan ditën e martë në Belgjikë, 8 të tjerë në Zvicër dhe 1 në Francë. Ditën e mërkure, 40 shtëpi në Bruksel u kontrolluan nga policia e Belgjikës.

Ngjarja e ndodhur në aeroportin e Brukselit konsiderohet si një prej grabitjeve më të mëdha botërore.

 /Laugert Qosja/