Ekziston një mundësi më shumë për t’u bërë pjesë e Universitetit “Hëna e Plotë” (Bedër). Mbështetja që ky universitet u jep studentëve të ekselencës është tashmë një praktikë e konsoliduar, e cila ka filluar që me themelimin e këtij institucioni. Për këtë vit, Senati i universitetit ka përcaktuar nivelin e bursave në bazë të pikëve
Ekziston një mundësi më shumë për t’u bërë pjesë e Universitetit “Hëna e Plotë” (Bedër). Mbështetja që ky universitet u jep studentëve të ekselencës është tashmë një praktikë e konsoliduar, e cila ka filluar që me themelimin e këtij institucioni.
Për këtë vit, Senati i universitetit ka përcaktuar nivelin e bursave në bazë të pikëve që maturantët e këtij viti kanë arritur në provimet e Maturës Shtetërore.
Më konkretisht është vendosur që të gjithë maturantët që dëshirojnë të studiojnë në një nga degët e Universitetit “Hëna e Plotë” (Bedër) dhe që renditen mes 5750 – 5999 pikëve, u jepet mundësia të studiojnë me 50 % bursë. Maturantët që kanë grumbulluar mes 6000 – 6499 pikëve, përfitojnë 75 %. Ata që kanë fituar mbi 6500 pikë, mund të përfitojnë bursë të plotë, duke studiuar pa pagesë.
Mbështetja e studentëve të ekselencës synon që të përmbushë dhe një nga synimet kryesore që ky institucion ka përcaktuar dhe që ka të bëjë me përzgjedhjen e studentëve cilësorë. Nga ky vendim i Senatit mund të përfitojnë afro 5000 maturantë që kanë konkurruar këtë vit në provimet e maturës.
Universiteti “Hëna e Plotë”(Bedër) në vitin e tretë të aktivitetit shënon një bilanc arritjesh të jashtëzakonshme, duke u kthyer në këtë mënyrë në një nga zgjedhjet e para të maturantëve.
I akredituar në të gjitha programet e studimit që në vitin e dytë të aktivitetit dhe i pajisur me certifikatën e cilësisë ISO 9001 : 2008, ky universitet është tashmë një mundësi mjaft e mirë për të gjithë ata të rinj që do të zgjedhin të formojnë përgatitjet e tyre në fushat sociale, si: komunikimi, drejtësia, psikologjia, edukimi, gjuhët e huaja dhe teologjia.
Studentët e rinj do të gjejnë në këtë universitet një ambient multikulturor, me studentë të ardhur nga 15 shtete të ndryshme dhe një staf akademik i përbërë nga pedagogë që vijnë nga 8 shtete.
Konsolidimi i profilit ndërkombëtar ka qenë një nga prioritetet strategjike të Universitetit “Hëna e Plotë” (Bedër).
Universiteti në shifra
- Fakultete………………………………………….2
- Departamente…………………………………….6
- Programe në nivel Bachelor……………………7
- Programe në nivel Master:…………………….12
- Profile të ndryshme studimi master:…………14
- Numri i studentëve:……………………………479
- Studentë të huaj:……………………………..25 %
- Shtetet nga vijnë studentët:…………………..15
- Pedagogë me titull Prof. Dr.:………………….10
- Pedagogë me titull Prof. Assoc. Dr:…………10
- Pedagogë me titull Dr:………………………..32
- Pedagogë në proces doktorature:……………29
- Stafi adminstrativ:……………………………..33
- Marrëveshje të firmosura
me universitete të huaja……………………………..…30
- Studentë që përfitojnë nga
programet e shkëmbimit………………………………….25
- Konferenca ndërkombëtare :……………………7
- Konferenca kombëtare :…………………………3
- Konferenca studentore :…………………………2
- Seminare të organizuara:………………………23
- Leksione të hapura :……………………..……..20
- Kumtesa shkencore të paraqitura:……….….285
- Referuesit në konferenca :…………..………..300
- Shtetet nga vijnë referuesit :……………………20
- Revista shkencore :………………………………2
- Qendra kërkimore :……………………………….5
/Objektiv.al/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *