Lulzim Basha pret sot në orën 11:00 Ettore Sequi, takim i parë zyrtar si kryetar i PD

Lulzim Basha do të zhvillojë sot takimin e parë zyrtar në postin e kreut të Partisë Demokratike me ambasadorin e Bashkimit Europian në Tiranë, Ettore Sequi.

Zyra e shtypit e selisë blu njoftoi një ditë më parë se Basha do të presë sot në orën 11:00, ambasadorin Ettore Sequi.

Ende nuk bëhet e ditur cfarë do të diskutohet, por pritet që Sequi ta përgëzojë Bashën për postin e ri dhe gjithashtu pritet të diskutohet për zgjedhjet e 23 qershorit dhe situatën paszedhore.

Më 22 korrik Luzim Basha shpallet kryetari i ri i Partisë Demokratike me një diferencë të thellë votash në një garë me Sokol Olldashin.

/Rovena Dupi/