Azilkërkuesit, ministri i brendshëm gjerman në Shqipëri e Serbi

0

Numri i madh i azilkërkuesve nga Shqipëria dhe Serbia në Gjermani, e ka shtyrë ministrin e Brendshëm gjerman, Thomas de Maiziere të udhëtoj për një vizitë dyditore në Tiranë e Beograd. Ministri Maiziere do të kërkoj nga autoritetet e këtyre dy vendeve që të jenë më të kujdesshëm me refugjatët dhe minoritetet.

Bundestagu së fundmi ka miratuar një ligj, që parashikon kufizimin e fluksit të azilkërkuesve nga vendet e Ballkanit.

Argumenti i persekutimit politik, siç thuhet në artikull, merret parasysh në kërkesat për azil, por nuk pranohet si argument varfëria ekonomike. Organizatat e të drejtave të njeriut dhe ato për refugjatët në të kundërt argumentojnë, se veçanërisht romët në këto vende përballen me diskriminim dhe përndjekjen.

De Maiziere gjatë vizitës së tij do të bisedojë me politikanët përgjegjës në Serbi dhe në Shqipëri edhe për mbrojtjen e pakicave.

/Arjola Hajdini/

 

PËRGJIGJU

Please enter your comment!
Please enter your name here