Sajmir Llalla, drejtori i burgut të Peqinit, pezullohet nga detyra pasi i dënuari Romeo Rustemaj nuk është kthyer më në qeli pas përfundimit të lejes shpërblyese. Romeo Rustemaj me origjinë nga Vlora, i dënuar me 10 vjet burg për vrasjen e një polici kohë më parë po vuante dënimin e tij, por pas marrjes së
Sajmir Llalla, drejtori i burgut të Peqinit, pezullohet nga detyra pasi i dënuari Romeo Rustemaj nuk është kthyer më në qeli pas përfundimit të lejes shpërblyese.
Romeo Rustemaj me origjinë nga Vlora, i dënuar me 10 vjet burg për vrasjen e një polici kohë më parë po vuante dënimin e tij, por pas marrjes së lejes që nga data 7 maj ka vendosur të arratiset. Si pasojë e këtij veprimi Drejtoria e Përgjithshme e Burgjeve ka pezulluar nga puna drejtorin Sajmir Llalla.
Drejtoria e Burgjeve pritet që të zhvillojë sot një mbledhje urgjente rreth orës 13:30, ku do të jenë të pranishëm të gjithë drejtuesit në rrethe pasi disa ditë më parë e njëjta ngjarje ka ndodhur në burgun e Fushë-Krujës dhe kjo gjë ka vënë në alarm organet kompetente.
Në të njëjtën kohë policia është vënë në kërkim të të dënuarit, duke e konsideruar si një person të rrezikshëm për komunitetin.
/Erzen Carja/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *