AI: Viti 2012 solli tension mes shqiptarëve e maqedonasve

0

Marrëdhëniet mes shqiptarëve dhe maqedonasve gjatë vitit të kaluar janë përkeqësuar. Ky është konstatimi i organizatës Amnesty International (AI), e cila ka publikuar  raportin vjetor për gjendjen e të drejtave të njeriut në botë  për  periudhën janar-dhjetor 2012.

Problemet kryesore që ndeshen në Maqedoni, sipas AI, janë tortura dhe keqtrajtimi në burgje, dhuna në familje, diskriminimi i pakicës rome,i komunitetit homoseksual si dhe mungesa e lirisë së shprehjes. Amnesty ka vecuar si problemin më shqetësues, diskriminimin e disa grupeve në Maqedoni, si dhe përkeqësimin e marrëdhënieve mes shqiptarëve dhe maqedonasve.

“Disa sulme të motivuara etnikisht thuhet se u zhvilluan në muajin mars në Tetovë dhe Shkup. Në maj 20 shqiptar etnikë u bastisën dhe u arrestuan pas vrasjes së pesëfishtë në Smilkovic të Shkupit. Pesë prej tyre u akuzuan për vrasje dhe terrorizëm.”,thuhet në raportin e AI. Për këtë arsye sipas raportit,mijëra shqiptarë protestuan kundër arrestimeve dhe dhunimit tw  shqiptarëve nga ana e autoriteteve maqedonase.

Raporti gjithashtu ndalet edhe tek projektligji për të ashtuquajturit branitellat, ku thuhet se miratimi I ligjit për këtë cështje u pengua  nga Bashkimi  Demokratik për Integrim pasi nuk parashihte përfitime  për ish pjesëtarët e UÇK-s dhe familjeve të tyre.

 

/Elta Liksenaj/

 

PËRGJIGJU

Please enter your comment!
Please enter your name here