Kërcënim me jetë ndaj kryetarit të ri të komunës së Kërçovës, Fatmir Dehari. Kërcënimet vijnë nga një organizatë maqedonase e vetëquajtur “Agimi i Zi”.

Letra anonime me mesazhe kërcënuese kanë mbërritur ditët e fundit në komunën Kërçovë në adresë të kryetarit Dehari. Policia është vënë në dijeni të ngjarjes, por ende nuk dihet se kush mund të fshihet pas kësaj organizate anonime.

Ndërkohë Fatmir Dehari deklaroi në një konferencë për shtyp, se së shpejti do të publikojë edhe kërcënimet që kanë ardhur në adresë të tij që nga ardhja në krye të komunës.

/Romina Qama/