Koncesioni i Aeroportit të Rinasit rezulton me disbalanca ekonomike, në disfavor të shtetit shqiptar. Sipas “BDO Albania” auditimi ekonomik i kontratës koncesionare për aeroportin e vetëm në vend ka përfunduar.
Detajet e auditimit pritet të bëhen publike vetëm pasi raporti t’u jenë dorëzuar të dyja palëve, si qeverisë ashtu edhe kompanisë koncesionare të aeroportit.
Sipas Top Channel, auditimi i treguesve financiarë, për të gjithë jetëgjatësinë e koncesionit, ka rezultuar se kompania koncesionare ka fituar më shumë të ardhura nga sa ishte parashikuar në skenarin fillestar. Gjithashtu, auditimi i treguesve financiarë, për të gjithë jetëgjatësinë e koncesionit, ka rezultuar se kompania koncesionare ka fituar më shumë të ardhura nga sa ishte parashikuar në skenarin fillestar.

Pas auditimit nga eksperti i pavarur, qeverisë i lind e drejta të nisë negociatat me kompaninë koncesionare për të marrë kompesim.
Sipas parashikimeve në kontratë, ky kompensim mund të arrihet me anë të pagesave direkte në buxhet, ose uljen e tarifave aeroportuale, gjë që do të çonte automatikisht në uljen e çmimit të biletave për qytetarët.

/J.Spaho/